| 爸， 真係好懶，已經有差不多五個月無寫野俾你。你放心，我地一直都無唔記得你o既一切。 天氣開始轉啦，以前你一定會提我地著多件衫。而家我地都會，因為你把聲重係o係我地心裡。你同阿爺都要小心呀。下次我會叫媽咪買D冬天衫俾你地架啦。 上星期日，陳氏總動員去同你個女影畢業相，你睇下佢幾威...  
其實果一刻真係好希望你都o係度，可以分享到呢份開心，爸，希望你會覺得驕傲。我地三個都無辜負你一手帶大我地。希望你高興。 
 
重有呀，果日阿嫲嫲都有去飲茶，佢做左手術之後，精神左好多添 
好啦，要去訓啦，而家環境好差，真係要做好D份工。你要保佑我地幾個..... 小心身體 弟 |
| |
| 爸， 聽日就係父親節，我祝你開開心心。你永遠係我心裡面o既英雄。 近期睇左呢兩個廣告，心裡面都不自覺咁諗番以前一D片段。好似惠康果個廣告o既小朋友，佢自己會用好多方法慳D錢，去換取同爸爸相處o既時間。佢令我諗起以前你好辛苦咁供我地讀書，自己就樣樣都唔捨得買。而且我知你有段時間經濟上有好大壓力，你自己都一個去承擔。所以我永遠都會記得，沒有昨天的你，今天的我也不能站起來。爸，謝謝你。 http://hk.youtube.com/watch?v=DCiRoLAksgo 而無線果個，就令我記得，你做左好多野，全部都係以屋企人著想，永遠將屋企人放o係自己之前。將所有最好o既野俾晒我地，從來無計較過。爸，謝謝你默默的付出。 http://hk.youtube.com/watch?v=OGfRstIDrBY 阿爺 ：你都係呀，多謝你咁照顧我呢個孫，你以前帶我去飲茶，買法式麵包俾我。我都記得架。 阿爺，爸爸 : 你地係我心裡面兩個最偉大o既英雄，祝你地父親節快樂 弟 |
| |
| 爸， 一個你熟識的電視新聞報導員 ~ 伍晃榮，在"這麼"的一天走了。一年前的這一天，你也走了。 今天他的兒子在電視中這麼說 : 「...我好開心能成為他的兒子，我為爸爸感到驕傲。....」 同樣的一天，同樣偉大的爸爸，同樣的兒子，同樣的心聲。 今日有位我的客人留了一段說話給我 Good morning. I hope you will be full of energy today, or if not today then tomorrow.
You know, I remember this time last year so well, and I think you have lived strong and WELL these past twelve months. Your father must have been a wonderful man, to have had such a strong, caring and deeply good person as his son.
See you, xxmm 他說我們已好好地在這一年中，努力地站了起來。你一定是一個偉大的人，有一個堅強，關懷人的好孩子。 希望你也為我們感到驕傲。 仍然愛你 弟 |
| |
| 爸， 還記得，365日前，你一直地看著我們，一直地維持了一整日。是道別的目光吧。 今日，我地四個都站了起來，你都要一樣。你那邊會有爺爺幫你，你自己都要努力。我地都知道這段時間很難渡過，但你一定要支持。你一定得，振作D。 尋晚睇書，有一段係咁 : "其實，死亡本身並不會有絲毫的痛苦，少了肉身的束縛，反而是愉快舒服的經驗，人們之所以認為死亡是痛苦的，那是因為牽掛和想抓住的東西太多了，既不得不走又捨不得離開，既不得不放又捨不得放手，結果把死亡弄得如此的痛苦難過。 其實，若能無我，當下就放下；若能放下，痛苦當下就消失。" 看完這段後，閉起眼，所有都係你o既畫面；但係我諗你同我地一樣，都好掛住對方。之不過如果一直都放不下，我諗你會好難受。所以我好想你可以好似我地咁，"只記著你的好"，記著一切開心o既事，唔好再唔開心。如果你有"地方"要去，就開心D去，唔好擔心我地。希望我地開心o既樣永遠留係你個心裡面，無論你去到邊，一直永遠都令你開開心心。 我聽人講過，先人會在頭一年留o係屋企人身邊，會睇住佢地，幫佢地慢慢適應。爸，這一年中，有很多事也許你也幫了我們吧，以後o既路，我地會好好地一齊行，不用擔心。 好久不見你，你有時間的話，晚上就找我地其中一個見下，ok ? 弟 |
| |
| 爸， 今日係農曆三月初一 ~~~ 你的"忌" 今日係西曆四月六日 ~~~ 亞欣o既生日 你地都係我最愛o既人，好巧合地，呢兩件開心同傷心o既事都係同一日。 今日我會同亞欣去慶祝，同時我亦都想你知道，我會用我o既方法去做D野懷念你。 你同我講o既野，我係收到的 爸，掛住你 弟 |
| |
